Пад Мінскам знайшлі параненую шэрую чаплю

У вёсцы Глебкавічы Мінскага раёна мясцовыя жыхары знайшлі параненую шэрую чаплю, паведамляе pristalica.by.

Фота з мясцовага вайбер-чата

Птушка была ў цяжкім стане, і людзі не пакінулі яе без дапамогі — выклікалі спецыялістаў цэнтра дапамогі дзікім жывёлам «Сірын».

Супрацоўнікі цэнтра забралі чаплю і цяпер аказваюць ёй дапамогу: кормяць і спрабуюць стабілізаваць стан. Аднак яе стан ацэньваецца як крытычны.

Такія выпадкі характэрныя тым, што дзікія птушкі часта патрабуюць спецыяльнай ветэрынарнай дапамогі і ўмоў утрымання. Таму спецыялісты падкрэсліваюць: не трэба спрабаваць лячыць іх самастойна або забіраць дадому.

Калі вы знаходзіце параненую дзікую жывёлу або птушку, трэба звяртацца ў адпаведныя службы — напрыклад, у раённую інспекцыю прыродных рэсурсаў, райвыканкам або ветэрынарную станцыю. Толькі спецыялісты могуць правільна арганізаваць транспартаванне і рэабілітацыю жывёлы.

Каментары да артыкула