Пастар Грэм паабяцаў заўтра памаліцца за Лукашэнку
«Заўтра я папрашу ўсіх прысутных устаць і ўзнесці малітву за вас як за лідара», — сказаў ён.
Кіраўнік Евангелісцкай асацыяцыі Білі Грэма Франклін Грэм паабяцаў заўтра памаліцца за Аляксандра Лукашэнку.
Як паведамляе прэс-служба Лукашэнкі, падчас сустрэчы з ім Грэм адзначыў, што прынята ўзносіць малітвы за лідараў краін. Таму ён паабяцаў, што памоліцца за яго.
«Таму заўтра я папрашу ўсіх прысутных устаць і ўзнесці малітву за вас як за лідара», — сказаў ён.
Грэм прыехаў у Беларусь на буйны пратэстанцкі фестываль «Фестываль надзеі», які пройдзе 17‑18 мая ў «Чыжоўка-арэне».
Прапаведнік таксама адзначыў падчас сустрэчы, што ён прыехаў у Мінск з пасланнем.
«Вялікі дзякуй. Для мяне вялікі гонар сустрэцца сёння з вамі. Мы прыехалі, каб данесці наша пасланне ўсім беларусам, і гэтае пасланне — ад Госпада Бога. Няважна, да якой веры мы належым — пратэстанцкай, праваслаўнай ці каталіцкай, — мы ўсе тут роўныя. І мы ўсе згодныя з гэтымі падыходамі», — сказаў ён.
Чытайце таксама:
Лукашэнка сустракаецца з пратэстанцкім пастарам Франклінам Грэмам
Што можа адбыцца на пратэстанцкім «Фестывалі надзеі», на які прыедзе прапаведнік з ЗША