Следам за Трампам і Пуціным да Сі Цзіньпіна паедзе Вучыч

Прэзідэнт Сербіі Аляксандр Вучыч заявіў, што неўзабаве наведае Кітай і сустрэнецца з кіраўніком краіны Сі Цзіньпінам.

Аляксандр Вучыч. Фота: AP Photo / Darko Vojinovic

Па словах сербскага кіраўніка, ягоны візіт адбудзецца праз некалькі дзён пасля паездкі ў Кітай прэзідэнта Расіі Уладзіміра Пуціна, а таксама пасля нядаўняга візіту прэзідэнта ЗША Дональда Трампа. Вучыч адзначыў, што гэта вялікі гонар і вельмі важная падзея для яго.

Ён назваў будучую паездку «вяршыняй» сваёй палітычнай кар’еры і падкрэсліў, што ўскладае на яе вялікія надзеі.

Сербскі прэзідэнт таксама сказаў, што супрацоўніцтва з Кітаем істотна ўзмацнілася: экспарт сербскіх тавараў у гэтую краіну значна вырас, а ў самой Сербіі цяпер працуюць дзясяткі кітайскіх прадпрыемстваў.

Акрамя таго, перад паездкай у Кітай Вучыч плануе наведаць Азербайджан.

Каментары да артыкула