Śledam za Trampam i Pucinym da Si Czińpina pajedzie Vučyč

Prezident Sierbii Alaksandr Vučyč zajaviŭ, što nieŭzabavie naviedaje Kitaj i sustreniecca z kiraŭnikom krainy Si Czińpinam.

Alaksandr Vučyč. Fota: AP Photo / Darko Vojinovic

Pa słovach sierbskaha kiraŭnika, jahony vizit adbudziecca praź niekalki dzion paśla pajezdki ŭ Kitaj prezidenta Rasii Uładzimira Pucina, a taksama paśla niadaŭniaha vizitu prezidenta ZŠA Donalda Trampa. Vučyč adznačyŭ, što heta vialiki honar i vielmi važnaja padzieja dla jaho.

Jon nazvaŭ budučuju pajezdku «viaršyniaj» svajoj palityčnaj karjery i padkreśliŭ, što ŭskładaje na jaje vialikija nadziei.

Sierbski prezident taksama skazaŭ, što supracoŭnictva z Kitajem istotna ŭzmacniłasia: ekspart sierbskich tavaraŭ u hetuju krainu značna vyras, a ŭ samoj Sierbii ciapier pracujuć dziasiatki kitajskich pradpryjemstvaŭ.

Akramia taho, pierad pajezdkaj u Kitaj Vučyč płanuje naviedać Azierbajdžan.

Kamientary da artykuła