Ціханоўская: Лукашэнка вядзе Беларусь да вялікай бяды
Дэмакратычная лідарка пракаментавала вучэнні беларускай і расійскай арміі па ўжыванні ядзернай зброі.
«Краіна, якая больш за ўсіх у свеце пацярпела ад Чарнобыльскай катастрофы, «мірнага атама», зноў становіцца ядзернай пагрозай — і мішэнню. Ці маглі мы сабе гэта ўявіць?», — зазначыла Святлана Ціханоўская.
Па яе словах, менавіта так адбылося з вайной: мы чулі «абы не было вайны», а вайна, у якой тэрыторыю Беларусі выкарысталі, зрабіўшы нашую краіну суагрэсарам, ідзе ўжо пяты год.
«І ўсё гэта па волі аднаго чалавека. Навошта рабіць з нашай краіны мішэнь для адказу на ядзерны ўдар? Каб Беларусь была мірнай, трэба спыніць Лукашэнку. Ён вядзе нас да вялікай бяды», — зазначыла Святлана Ціханоўская.