Беларуская і расійская арміі на беларускай тэрыторыі трэніруюцца наносіць ядзерны ўдар
У «трэніроўцы», як гэта назвала Мінабароны Беларусі, удзельнічаюць ракетныя войскі і авіяцыя.
Сёння пад кіраўніцтвам начальніка Генштаба Беларусі пачалася трэніроўка вайсковымі часцямі баявога прымянення ядзернай зброі і ядзернага забеспячэння, паведаміла Мінабароны.
Мэта трэніроўкі — удасканаленне ўзроўню падрыхтоўкі асабовага складу, праверка гатоўнасці да выканання задач і арганізацыя баявога прымянення з няпланавых раёнаў.
Згодна з Мінабароны, у ходзе трэніроўкі ва ўзаемадзеянні з расійскім бокам плануецца адпрацаваць пытанні дастаўкі ядзерных боепрыпасаў і падрыхтоўкі іх да прымянення.
Паведамляецца, што галоўнай асаблівасцю мерапрыемства стане праверка гатоўнасці да выканання задач баявога прымянення з непадрыхтаваных раёнаў на ўсёй тэрыторыі краіны. Асноўны ўпор будзе зроблены на адпрацоўку пытанняў скрытнасці, перамяшчэння на значныя адлегласці, правядзення разлікаў для прымянення сіл і сродкаў.
Зазначаецца, што трэніроўка з’яўляецца планавым мерапрыемствам падрыхтоўкі ў рамках Саюзнай дзяржавы, не накіравана супраць трэціх краін і, паводле заявы Мінабароны, не нясе пагрозы бяспецы ў рэгіёне.
У выпадку нанясення ядзернага ўдару з беларускай тэрыторыі па ёй жа будзе нанесены ядзерны адказ. Гэта можа прывесці да поўнага знішчэння нашай краіны.
Былы палітвязень Мікалай Статкевіч, экс-кандыдат у прэзідэнты, а да таго — вайсковец-ракетчык, бачыць прыкметы таго, што Расія мае намер выкарыстаць тэрыторыю Беларусі для ядзернага ўдару па Еўропе. Ён апублікаваў артыкул, у якім папярэджвае: Расія мае план нанесці абмежаваны ядзерны ўдар з беларускай тэрыторыі, разлічваючы, што і ўдар у адказ абмяжуецца Беларуссю. Статкевіч лічыць такі сцэнар катастрафічным для нашай краіны.
Чытайце таксама: Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі7
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары