Cichanoŭskaja: Łukašenka viadzie Biełaruś da vialikaj biady
Demakratyčnaja lidarka prakamientavała vučeńni biełaruskaj i rasijskaj armii pa ŭžyvańni jadziernaj zbroi.
«Kraina, jakaja bolš za ŭsich u śviecie paciarpieła ad Čarnobylskaj katastrofy, «mirnaha atama», znoŭ stanovicca jadziernaj pahrozaj — i mišeńniu. Ci mahli my sabie heta ŭjavić?», — zaznačyła Śviatłana Cichanoŭskaja.
Pa jaje słovach, mienavita tak adbyłosia z vajnoj: my čuli «aby nie było vajny», a vajna, u jakoj terytoryju Biełarusi vykarystali, zrabiŭšy našuju krainu suahresaram, idzie ŭžo piaty hod.
«I ŭsio heta pa voli adnaho čałavieka. Navošta rabić z našaj krainy mišeń dla adkazu na jadzierny ŭdar? Kab Biełaruś była mirnaj, treba spynić Łukašenku. Jon viadzie nas da vialikaj biady», — zaznačyła Śviatłana Cichanoŭskaja.