У Польшчы затрымалі беларуса, якога шукаў Інтэрпал
У польскім горадзе Гдыня паліцыя правяла праверку групы іншаземцаў, якія знаходзіліся ў закінутым будынку. Падставай стала тое, што яны разводзілі агонь і паводзілі сябе падазрона, што выклікала трывогу ў людзей.
Фота: gdynia.policja.gov.pl
На месцы паліцыянты ўстанавілі асобы чатырох мужчын. Адзін з іх, 46‑гадовы грамадзянін Беларусі, не меў пры сабе дакументаў, таму яго дадаткова праверылі па базах даных.
Высветлілася, што яму раней было адмоўлена ў праве знаходзіцца ў Польшчы. Акрамя таго, ён знаходзіўся ў міжнародным вышуку — яго шукалі праз Інтэрпал для ўстанаўлення месцазнаходжання.
Мужчыну затрымалі. У найбліжэйшы час яго перададуць памежнай службе, пасля чаго ён будзе выдвараны з тэрыторыі Польшчы.
Чытайце таксама:
У Польшчы затрымалі яшчэ савецкага «злодзея ў законе»
Беларуску затрымалі ў Італіі па запыце з Мінска
У Літве затрымалі беларуса, які знаходзіўся ў вышуку праз Інтэрпал