Англійскі футбольны клуб дыскваліфікавалі за шпіянаж за супернікамі
Клуб «Саўтгемптан» выключылі з фіналу плэй-оф Чэмпіёншыпа Англійскай футбольнай лігі (другі па значнасці пасля Прэм'ер-лігі футбольны дывізіён у Англіі) і дадаткова пакаралі — у наступным сезоне з каманды знімуць 4 балы. Прычына гэтага — нетрывіяльная.
Фота ілюстрацыйнае
Прычынай сталі прызнаныя клубам парушэнні правіл лігі.
Высветлілася, што супрацоўнік каманды займаўся несанкцыянаванай відэаздымкай трэніровак іншых клубаў — фактычна збіраў тактычную інфармацыю перад матчамі.
Пасля рашэння дысцыплінарнай камісіі вынікі «Саўтгемптана» ў плэй-оф страцілі сілу, пасля чаго каманду выключылі з барацьбы за выхад у Прэм’ер-лігу.
Замест гэтага клуба ў фінал вярнулі «Мідлсбра», які цяпер згуляе супраць «Хал Сіці». Матч за выхад у вышэйшы дывізіён павінен адбыцца 23 мая.
Такім чынам, «Саўтгемптан» не толькі страціў магчымасць выйсці ў Прэм’ер-лігу, але і пачне наступны сезон з мінусам у турнірнай табліцы.
Чытайце таксама:
Чэмпіён Беларусі па футболе раздаў падарункі дзецям з акупаваных тэрыторый Украіны
У гульца «Арсенала» проста на футбольным полі зляцелі майткі ФОТАФАКТ
У Малдове бронзу чэмпіянату па футболе заваяваў клуб з мноствам беларусаў