У Малдове бронзу чэмпіянату па футболе заваяваў клуб з мноствам беларусаў
Там налічваецца восем нашых суайчыннікаў.
У Малдове беларускі легіён прастаўлены выключна ў кішынёўскім «Зімбру». За клуб гуляе чацвёра беларусаў, клуб трэніруе беларускі спецыяліст Алег Кубараў, а трое яго асістэнтаў таксамам беларусы: Эдуард Тучынскі, Павел Рыбак і Аляксандр Марозаў.
«Зімбру» згуляў учора ўнічыю з чэмпіёнам краіны «Петракубам» 1:1 і стаў бронзавым прызёрам чэмпіянату.
Абаронца Мікалай Золатаў правёў увесь матч, форвард Ілля Васілевіч адыграў першы тайм, паўабаронца Цімафей Шаркоўскі выйшаў на замену на 68‑й хвіліне, форвард Дзяніс Казлоўскі застаўся ў запасе.
Чэмпіянат Малдовы па футболе праводзіцца ў два этапы.
Першая тройка выніковай турнірнай табліцы пасля другога этапа:
- Петракуб — 40 балаў
- Шэрыф — 34
- Зімбру — 32
23 мая «Зімбру» і «Шэрыф» сустрэнуцца ў фінале Кубка краіны.
Цяпер чытаюць
Скандал у Барысаўскай бальніцы: на пацыента звярнулі ўвагу праз шэсць гадзін, калі ўжо пена пайшла з рота — мужчына памёр7
Скандал у Барысаўскай бальніцы: на пацыента звярнулі ўвагу праз шэсць гадзін, калі ўжо пена пайшла з рота — мужчына памёр
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары