Фестываль агню ў мінскім заапарку, які абурыў гараджан, не адбудзецца
Ён меўся прайсці на гэтых выходных.
Фестываль агню ў Мінску, які планаваўся ў заапарку, на гэтых выходных не адбудзецца «па тэхнічных прычынах».
Новыя даты правядзення будуць апублікаваныя ў бліжэйшыя дні. Раней набытыя білеты застаюцца сапраўднымі.
Фестываль першапачаткова меўся прайсці 22‑24 мая. У кожны з гэтых дзён запланавана 1,5‑гадзіннае фаер-шоу. Абяцалі таксама жывую музыку.
Навіна пра яго атрымала розгалас, у інтэрнэце людзі сталі пераймацца за жывёл. Арганізатары супакоілі: само вогненнае шоу будзе на пляцоўцы, якая знаходзіцца наводдаль ад вальераў. Сцвярджалі таксама, што самі звяры ў гэты момант будуць знаходзіцца ў крытых памяшканнях.