У мінскім заапарку правядуць фестываль агню. Кажуць, што жывёлы будуць у памяшканнях, таму ўсё нармальна
Сталічны заапарк актыўна рэкламуе «самую гарачую падзею вясны» — вогненны фестываль. Тры дні побач з жывёламі ў вальерах будуць ладзіць фаер-шоу.
Не паспелі беларусы адысці ад шалёнай ідэі арганізаваць музычны рэйв у Белавежскай пушчы (які арганізатары ў выніку перанеслі на іншы час), як свой непрыемны сюрпрыз падкінуў сталічны заапарк.
Там вырашылі даволі незвычайна адсвяткаваць пачатак сезона. 22‑24 мая ў заапарку пройдзе Мінскі фестываль агню. У кожны з гэтых дзён запланавана 1,5‑гадзіннае фаер-шоу. Абяцаюць таксама жывую музыку.
Квіткі на дзень фестывалю каштуюць ад 20 рублёў (для шматдзетных сямей) да 90 рублёў (за пакет «двое дарослых + двое дзяцей»).
У сацсетках многія абураюцца гэтай ідэяй.
Чытачка «Нашай Нівы» звярнулася ў заапарк з пытаннем, ці нармальна гэта — ладзіць гучныя шоу з агнём побач з жывёламі.
Там яе паспрабавалі супакоіць: маўляў, яны клапоцяцца пра жывёл, а само вогненнае шоу будзе на пляцоўцы, якая знаходзіцца наводдаль ад вальераў. Сцвярджалі таксама, што самі звяры ў гэты момант будуць знаходзіцца ў крытых памяшканнях.
Пазней аналагічны допіс з’явіўся і ў інстаграме заапарку, але ж магчымасць пакідаць каментары там адключылі.
Адначасова ў акаўнце заапарка ідзе розыгрыш бясплатных квіткоў на фестываль агню.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію80
Каментары
Абедзве паразітуюць на людзях у статусе беспрацоўнага, прэтэндуючы на працоўны дзень за 30-ць byn. Пастаўляе жывы тавар дзяржаўная служба занятасці.
І там і там поўна людзей з асаблівасцямі развіцця і проста паталагічных псіхічна цынікаў.
Фінансава справы мабыць паганыя у абедзвух устаноў, таму і не дзіва, што файер-шоу у Беларусі мечацца паміж батанічным і заапаркам. Наступны этап мабыць АЗС альбо нафтабаза.