Fiestyval ahniu ŭ minskim zaaparku, jaki aburyŭ haradžan, nie adbudziecca
Jon mieŭsia prajści na hetych vychodnych.
Fiestyval ahniu ŭ Minsku, jaki płanavaŭsia ŭ zaaparku, na hetych vychodnych nie adbudziecca «pa techničnych pryčynach».
Novyja daty praviadzieńnia buduć apublikavanyja ŭ bližejšyja dni. Raniej nabytyja bilety zastajucca sapraŭdnymi.
Fiestyval pieršapačatkova mieŭsia prajści 22‑24 maja. U kožny z hetych dzion zapłanavana 1,5‑hadzinnaje fajer-šou. Abiacali taksama žyvuju muzyku.
Navina pra jaho atrymała rozhałas, u internecie ludzi stali pierajmacca za žyvioł. Arhanizatary supakoili: samo vohniennaje šou budzie na placoŭcy, jakaja znachodzicca navoddal ad valjeraŭ. Śćviardžali taksama, što sami źviary ŭ hety momant buduć znachodzicca ŭ krytych pamiaškańniach.