У беларускія вёскі пачнуць ездзіць фургоны самаабслугоўвання

У Беларусі плануюць увесці новы фармат гандлю ў вёсках — фургоны самаабслугоўвання. Гэта будуць перасоўныя крамы, але без прадавачкі: людзі змогуць самі выбіраць тавары і разлічвацца за іх, піша Blizko.by.

Фота ілюстрацыйнае

Ідэю абмяркоўвалі ў Белкаапсаюзе. Такі падыход хочуць укараніць, бо, маўляў, усё больш пакупнікоў аддаюць перавагу менавіта самастойным куплям.

У Белкаапсаюзе адзначаюць, што ўжо цяпер у краіне працуе больш за 200 аўтамабіляў-крам, якія абслугоўваюць больш за 12,6 тысячы населеных пунктаў. Яны добра сябе зарэкамендавалі і дапамагаюць жыхарам аддаленых вёсак атрымліваць неабходныя тавары.

Цяпер жа плануецца пайсці яшчэ далей:

• набыць фургоны з сістэмай самаабслугоўвання;
• удасканаліць маршруты перасоўных крам;
• павялічыць час, які яны праводзяць у кожнай вёсцы.

Чакаецца, што новы фармат можа пачаць укараняцца ўжо ў наступным годзе, калі праект пацвердзіць сваю эфектыўнасць.

Каментары да артыкула