U biełaruskija vioski pačnuć jeździć furhony samaabsłuhoŭvańnia

U Biełarusi płanujuć uvieści novy farmat handlu ŭ vioskach — furhony samaabsłuhoŭvańnia. Heta buduć pierasoŭnyja kramy, ale biez pradavački: ludzi zmohuć sami vybirać tavary i raźličvacca za ich, piša Blizko.by.

Fota ilustracyjnaje

Ideju abmiarkoŭvali ŭ Biełkaapsajuzie. Taki padychod chočuć ukaranić, bo, maŭlaŭ, usio bolš pakupnikoŭ addajuć pieravahu mienavita samastojnym kuplam.

U Biełkaapsajuzie adznačajuć, što ŭžo ciapier u krainie pracuje bolš za 200 aŭtamabilaŭ-kram, jakija absłuhoŭvajuć bolš za 12,6 tysiačy nasielenych punktaŭ. Jany dobra siabie zarekamiendavali i dapamahajuć žycharam addalenych viosak atrymlivać nieabchodnyja tavary.

Ciapier ža płanujecca pajści jašče dalej:

• nabyć furhony ź sistemaj samaabsłuhoŭvańnia;
• udaskanalić maršruty pierasoŭnych kram;
• pavialičyć čas, jaki jany pravodziać u kožnaj vioscy.

Čakajecca, što novy farmat moža pačać ukaraniacca ŭžo ŭ nastupnym hodzie, kali prajekt paćvierdzić svaju efiektyŭnaść.

Kamientary da artykuła