Міма візіту Ціханоўскай у Кіеў не прайшлі і ў Маскве
Афіцыйная прадстаўніца МЗС Расіі Марыя Захарава пракаментавала візіт лідаркі беларускіх дэмакратычных сіл Святланы Ціханоўскай у сталіцу Украіны, які якраз супаў з масаванымі расійскімі ўдарамі па Кіеву.
Марыя Захарава. Фота: МЗС Расіі
«Відаць, спяшалася паглядзець на арэшнік у квецені. Замест палітычнага турызму ёй бы ў Старабельск з’ездзіць, паглядзець, чым заканчваюцца для краін эксперыменты па змене рэжымаў — ператварэннем у тэрарыстычныя ячэйкі», — заявіла ў сваім звычайным недыпламатычным стылі прадстаўніца дыпламатычнага ведамства.
Святлана Ціханоўская сёння пачала свой працоўны візіт ва Украіну, яе прымаюць на дзяржаўным узроўні. Дэмакратычная лідарка наведала Чарнобыльскую АЭС, сустрэлася з міністрам замежных спраў Украіны Андрэем Сібігам, ушанаваўшы разам з ім памяць загінулых герояў, а таксама з'ездзіла на могілкі на магілу загінулай добраахвотніцы Марыі Зайцавай.
Чытайце таксама:
Святлана Ціханоўская ўшанавала ў Кіеве памяць загінулых герояў
Медзвядчук: Зяленскі спрабуе ўцягнуць Мінск у вайну, адкінуўшы Лукашэнку і запрасіўшы Ціханоўскую
«Вольны Кіеў — Свабодны Мінск». Ціханоўская прадэманстравала чыгуначны квіток ФОТАФАКТ