Mima vizitu Cichanoŭskaj u Kijeŭ nie prajšli i ŭ Maskvie

Aficyjnaja pradstaŭnica MZS Rasii Maryja Zacharava prakamientavała vizit lidarki biełaruskich demakratyčnych sił Śviatłany Cichanoŭskaj u stalicu Ukrainy, jaki jakraz supaŭ z masavanymi rasijskimi ŭdarami pa Kijevu.

Maryja Zacharava. Fota: MZS Rasii

«Vidać, śpiašałasia pahladzieć na arešnik u kviecieni. Zamiest palityčnaha turyzmu joj by ŭ Starabielsk źjeździć, pahladzieć, čym zakančvajucca dla krain ekśpierymienty pa źmienie režymaŭ — pieratvareńniem u terarystyčnyja jačejki», — zajaviła ŭ svaim zvyčajnym niedypłamatyčnym styli pradstaŭnica dypłamatyčnaha viedamstva.

Śviatłana Cichanoŭskaja siońnia pačała svoj pracoŭny vizit va Ukrainu, jaje prymajuć na dziaržaŭnym uzroŭni. Demakratyčnaja lidarka naviedała Čarnobylskuju AES, sustrełasia ź ministram zamiežnych spraŭ Ukrainy Andrejem Sibiham, ušanavaŭšy razam ź im pamiać zahinułych hierojaŭ, a taksama źjeździła na mohiłki na mahiłu zahinułaj dobraachvotnicy Maryi Zajcavaj. 

Kamientary da artykuła