Беларус пабачыў, што Ціханоўская ў Кіеве, і звярнуўся з нечаканай просьбай. Яна папрасіла пастукацца ў прыват

Фатограф Сяргей Людкевіч, які жыве ў Варшаве, але мае патрэбу ў перадачы важных дакументаў з Кіева, напісаў у Threads просьбу паспрыяць у гэтым да Святланы Ціханоўскай. І атрымаў адказ. 

Святлана Ціханоўская. Фота: Beata Zawrzel NurPhoto via Getty Images

«Святлана Георгіеўна, разумею, што ў вас зараз важная місія ў Кіеве і вам дакладна не да гэтага. Але ўсё ж рызыкну спытаць (хто не рызыкуе).

У мяне ў Кіеве (у знаёмага) мой дыплом і атэстат, а адпраўляць іх поштай страшна — беларускі атэстат у выпадку страты ўжо не змагу аднавіць.

Калі раптам нейкім цудам будзе магчымасць перадаць дакументы ў Варшаву — я быў бы вельмі ўдзячны», — напісаў беларус.

Праз пэўны час пад гэтым допісам з'явіўся адказ з афіцыйнай старонкі ў Threads Святланы Ціханоўскай:

«Напісала ў асабоўку».

Каментары пад допісам вагаюцца ў дыяпазоне ад «А што, так можна было?» да «Яна занятая — робіць фота з важнымі людзьмі».

Каментары да артыкула