Biełarus pabačyŭ, što Cichanoŭskaja ŭ Kijevie, i źviarnuŭsia ź niečakanaj prośbaj. Jana paprasiła pastukacca ŭ pryvat

Fatohraf Siarhiej Ludkievič, jaki žyvie ŭ Varšavie, ale maje patrebu ŭ pieradačy važnych dakumientaŭ z Kijeva, napisaŭ u Threads prośbu paspryjać u hetym da Śviatłany Cichanoŭskaj. I atrymaŭ adkaz. 

Śviatłana Cichanoŭskaja. Fota: Beata Zawrzel NurPhoto via Getty Images

«Śviatłana Hieorhijeŭna, razumieju, što ŭ vas zaraz važnaja misija ŭ Kijevie i vam dakładna nie da hetaha. Ale ŭsio ž ryzyknu spytać (chto nie ryzykuje).

U mianie ŭ Kijevie (u znajomaha) moj dypłom i atestat, a adpraŭlać ich poštaj strašna — biełaruski atestat u vypadku straty ŭžo nie zmahu adnavić.

Kali raptam niejkim cudam budzie mahčymaść pieradać dakumienty ŭ Varšavu — ja byŭ by vielmi ŭdziačny», — napisaŭ biełarus.

Praz peŭny čas pad hetym dopisam źjaviŭsia adkaz z aficyjnaj staronki ŭ Threads Śviatłany Cichanoŭskaj:

«Napisała ŭ asaboŭku».

Kamientary pad dopisam vahajucca ŭ dyjapazonie ad «A što, tak možna było?» da «Jana zaniataja — robić fota z važnymi ludźmi».

Kamientary da artykuła