«Пагрозы ўвасабляюць адчай». Еўрапейскія дыпламаты не будуць пакідаць Кіеў пасля расійскіх застрашванняў

Паслы еўрапейскіх краін ва Украіне адказалі на пагрозы расійскага МЗС зноў нанесці масаваны ўдар па Кіеве і заклікі да дыпламатаў пакінуць сталіцу.

Пасол Еўрасаюза ва Украіне Катарына Матэрнава ў Кіеве. Здымак ілюстрацыйны. Фота: Danylo Antoniuk/Anadolu via Getty Images

«Сённяшняя заява МЗС Расіі — шэдэўр крывадушнасці. Рэжым, які гадамі абстрэльваў жылыя дамы, музеі, радзільні, школы і электрастанцыі, нечакана загаварыў на мове «міжнароднага гуманітарнага права» і «Жэнеўскіх канвенцый».

ЕС нікуды не дзенецца. Мы застаемся ў Кіеве. Мы застаемся з Украінай. Пагрозы дыпламатам і міжнародным арганізацыям не з'яўляюцца паказчыкам сілы. Яны ўвасабляюць адчай», — напісала пасол ЕС ва Украіне Катарына Матэрнава.

У пасольствах Францыі і Польшчы таксама заявілі, што працягнуць працаваць у звычайным рэжыме.

Каментары да артыкула