Расіяне масіравана атакавалі Кіеў і вобласць, у тым ліку «Арэшнікам» і дзясяткамі ракет
У ноч на 24 мая Расія здзейсніла маштабны абстрэл Кіева і вобласці — атакавалі дронамі, ракетамі, украінцы паведамляюць, што ў тым ліку «Арэшнікам». Удары выклікалі шматлікія пажары, разбурэнні жылых дамоў, цывільнай інфраструктуры.
Атака закранула практычна ўсе раёны сталіцы Украіны. На гэты момант вядома пра аднаго загінулага, шмат параненых. Колькасць ахвяр будзе расці па меры разбору руін.
Шаўчэнкаўскі раён. Адзін з найбольш пацярпелых раёнаў. Тут цалкам разбураны пад'езд 5-павярхоўкі, пажар ахапіў усе паверхі. У адным з 9‑павярховікаў зафіксавана пападанне паміж 8 і 9 паверхамі — менавіта там папярэдне загінуў чалавек. Таксама гарэлі школа, бізнэс-цэнтр, рынак і будынак музея Галоўнага ўпраўлення ДСНС.
Абалонскі раён ратавальнікі тушаць пажар у 16‑павярховым хмарачосе на ўзроўні 12—13 паверхаў. Таксама гарыць будаўнічы гіпермаркет і яшчэ адзін жылы дом.
Дарніцкі раён. Загарэўся дах двухпавярховага інтэрната.
Дзяснянскі раён. Пашкоджаны гандлёвы цэнтр і супермаркет, боксы ў гаражным кааператыве.
Саламянскі раён. На ўзроўні 23 паверха 24‑павярховага дома зафіксаваны разбурэнні канструкцый і невялікі пажар. Таксама атакаваны склады ў прамзоне.
Пячэрскі раён. Пажар успыхнуў на 13 паверсе 20‑павярховай новабудоўлі.
Дніпроўскі і Святошынскі раёны. Пашкоджаны прыватны дом, гаражы і жылы 9-павярховік.
У Кіеўскай вобласці абломкі ракет і БПЛА выклікалі пажары і разбурэнні ў шасці раёнах.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
800 гадоу́ .
арда мамая паліць Русь .
хто яшчэ мае ілюзіі наконт арды ?