У Магілёве настаўніцу будуць судзіць за здарэнне на ўроку
Паводле матэрыялаў пракуратуры Магілёўскай вобласці, у снежні 2025 года падчас заняткаў настаўніца фізкультуры адной з магілёўскіх школ ненадоўга пакінула спартыўную залу і пакінула дзяцей без належнага нагляду. Яна даручыла сачыць за малодшымі вучнямі двум старшакласнікам.
Здымак ілюстрацыйны. Фота: europegym.ru
Дурэючы, старэйшыя школьнікі пачалі падкідаць другакласнікаў і кідаць іх на спартыўныя маты. У выніку адзін з малодшых вучняў упаў і атрымаў закрыты кампрэсійны пералом пазванкоў груднога аддзела, што кваліфікуецца як менш цяжкая траўма.
Следства лічыць, што настаўніца неналежна выканала абавязкі па гарантаванні бяспекі дзяцей. Ёй інкрымінуецца ч. 1 арт. 165 Крымінальнага кодэкса па невыкананні службовых абавязкаў, што прывяло да шкоды здароўю непаўналетняга.
Справу накіравалі ў суд. Настаўніцы абраная мера стрымання — падпіска аб нявыездзе.
Чытайце таксама:
У Беларусі плануюць пастрожыць патрабаванні да рэпетытараў
Настаўніцу-дэфектолага з-пад Мінска асудзілі за «садзейнічанне экстрэмізму»
Упаў на вачах першакласнікаў — новыя падрабязнасці падзення мотадэльтаплана