U Mahilovie nastaŭnicu buduć sudzić za zdareńnie na ŭroku
Pavodle materyjałaŭ prakuratury Mahiloŭskaj vobłaści, u śniežni 2025 hoda padčas zaniatkaŭ nastaŭnica fizkultury adnoj z mahiloŭskich škoł nienadoŭha pakinuła spartyŭnuju zału i pakinuła dziaciej biez naležnaha nahladu. Jana daručyła sačyć za małodšymi vučniami dvum staršakłaśnikam.
Zdymak ilustracyjny. Fota: europegym.ru
Durejučy, starejšyja školniki pačali padkidać druhakłaśnikaŭ i kidać ich na spartyŭnyja maty. U vyniku adzin z małodšych vučniaŭ upaŭ i atrymaŭ zakryty kampresijny pierałom chrybietnikaŭ hrudnoha adździeła, što kvalifikujecca jak mienš ciažkaja traŭma.
Śledstva ličyć, što nastaŭnica nienaležna vykanała abaviazki pa harantavańni biaśpieki dziaciej. Joj inkryminujecca č. 1 art. 165 Kryminalnaha kodeksa pa nievykanańni słužbovych abaviazkaŭ, što pryviało da škody zdaroŭju niepaŭnaletniaha.
Spravu nakiravali ŭ sud. Nastaŭnicy abranaja miera strymańnia — padpiska ab niavyjeździe.
Čytajcie taksama:
U Biełarusi płanujuć pastrožyć patrabavańni da repietytaraŭ
Nastaŭnicu-defiektołaha z-pad Minska asudzili za «sadziejničańnie ekstremizmu»
Upaŭ na vačach pieršakłaśnikaŭ — novyja padrabiaznaści padzieńnia motadeltapłana