Парламент Венгрыі адмяніў ранейшае рашэнне аб выхадзе краіны з Міжнароднага крымінальнага суда
Парламент Венгрыі прыняў рашэнне адмяніць прынятае пры папярэднім урадзе Віктара Орбана рашэнне аб выхадзе краіны з Міжнароднага крымінальнага суда (МКС). Гэта значыць, што Венгрыя застаецца ўдзельнікам суда, паведамляе Index.
Будынак парламента Венгрыі. Фота: Balint Szentgallay/NurPhoto via Getty Images
Раней, у 2025 годзе, урад Венгрыі ініцыяваў выхад з МКС і накіраваў адпаведнае паведамленне ў ААН. Згодна з працэдурай, пасля гэтага краіна павінна была афіцыйна пакінуць суд праз год — прыкладна ў чэрвені 2026 года.
Цяпер, аднак, парламент змяніў гэта рашэнне і зацвердзіў адмену выхаду. Такім чынам, працэс выхаду спынены, і краіна працягвае ўдзел у Рымскім статуце.
У дакуменце, які суправаджаў рашэнне, гаворыцца, што ўдзел у МКС неабходны для прыцягнення да адказнасці за цяжкія міжнародныя злачынствы і падтрымання міжнароднага права.
Першапачатковы намер выйсці з суда быў звязаны з палітычнымі спрэчкамі вакол МКС і яго рашэнняў адносна лідараў Расіі Уладзіміра Пуціна і Ізраіля Біньяміна Нетаньяху, у дачыненні да якіх МКС выдадзеныя ордары на арышт.
Чытайце таксама:
Віктар Орбан адмовіўся прыняць дэпутацкі мандат
«Упершыню за гады ў зале няма рускіх» — Туск тонка пакпіў з Орбана
«Ціса» ў Венгрыі атрымала нават больш парламенцкіх мандатаў, чым меркавалася папярэдне