На саміце Еўрасаюза на Кіпры польскі прэм’ер-міністр Дональд Туск дазволіў сабе шпільку ў адрас прарасійскага прэм’ер-міністра Венгрыі Віктара Орбана, які сыходзіць з пасады, піша Bild.
«Упершыню за гады ў зале не было рускіх, калі вы разумееце, што я маю на ўвазе», — пажартаваў Туск перад журналістамі ў Нікасіі.
Партыя Орбана з вялікай розніцай прайграла парламенцкія выбары 12 красавіка. Урад неўзабаве павінен узначаліць лідар пераможнай апазіцыйнай партыі «Ціса» — Петэр Мадзьяр. Да ўступлення новага прэм’ера на пасаду Орбан застаецца ва ўладзе, аднак у сустрэчы ЕС на Кіпры ён не ўдзельнічае.
Прарасійская пазіцыя венгерскага ўрада неаднаразова прыводзіла да канфліктаў з іншымі краінамі ЕС. У прыватнасці, Венгрыя блакавала рашэнні аб падтрымцы Украіны або санкцыях супраць Расіі, што рэгулярна выклікала раздражненне.
Аднак не ўсе ўдзельнікі сустрэчы на Кіпры падзялілі радасць Туска: прэм’ер-міністр Бельгіі Барт Дэ Вевер заявіў, што бачыць «крыху занадта шмат эйфарыі» з нагоды сыходу Орбана, які быў «безумоўна, складаным партнёрам», «але ніколі не немагчымым партнёрам».
На саміце ЕС на Кіпры абмяркоўваюцца дапамога Украіне, наступны бюджэт ЕС і канфлікт паміж ЗША і Іранам. Для гэтага таксама запрошаны прадстаўнікі Блізкага Усходу і краін Персідскага заліва.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе4
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары
------------------------------------------
Яго выказванне набыло няёмкі адценак, калі ў гэты момант міма праходзіў прэм'ер-міністр Славакіі Роберт Фіца, вядомы больш мяккай пазіцыяй адносна Масквы. Туск усміхнуўся і падміргнуў журналістам, пасля чаго дадаў: «Не, не, гэта жарт».
Für Deutschland, калі вы разумееце, што я маю на ўвазе.