Parłamient Vienhryi admianiŭ raniejšaje rašeńnie ab vychadzie krainy ź Mižnarodnaha kryminalnaha suda
Parłamient Vienhryi pryniaŭ rašeńnie admianić pryniataje pry papiarednim uradzie Viktara Orbana rašeńnie ab vychadzie krainy ź Mižnarodnaha kryminalnaha suda (MKS). Heta značyć, što Vienhryja zastajecca ŭdzielnikam suda, paviedamlaje Index.
Budynak parłamienta Vienhryi. Fota: Balint Szentgallay/NurPhoto via Getty Images
Raniej, u 2025 hodzie, urad Vienhryi inicyjavaŭ vychad z MKS i nakiravaŭ adpaviednaje paviedamleńnie ŭ AAN. Zhodna z praceduraj, paśla hetaha kraina pavinna była aficyjna pakinuć sud praz hod — prykładna ŭ červieni 2026 hoda.
Ciapier, adnak, parłamient źmianiŭ heta rašeńnie i zaćvierdziŭ admienu vychadu. Takim čynam, praces vychadu spynieny, i kraina praciahvaje ŭdzieł u Rymskim statucie.
U dakumiencie, jaki supravadžaŭ rašeńnie, havorycca, što ŭdzieł u MKS nieabchodny dla pryciahnieńnia da adkaznaści za ciažkija mižnarodnyja złačynstvy i padtrymańnia mižnarodnaha prava.
Pieršapačatkovy namier vyjści z suda byŭ źviazany z palityčnymi sprečkami vakoł MKS i jaho rašeńniaŭ adnosna lidaraŭ Rasii Uładzimira Pucina i Izraila Bińjamina Nietańjachu, u dačynieńni da jakich MKS vydadzienyja ordary na aryšt.
Čytajcie taksama:
Viktar Orban admoviŭsia pryniać deputacki mandat
«Upieršyniu za hady ŭ zale niama ruskich» — Tusk tonka pakpiŭ z Orbana
«Cisa» ŭ Vienhryi atrymała navat bolš parłamienckich mandataŭ, čym mierkavałasia papiarednie