Трамп заявіў аб поўнай і безумоўнай падтрымцы Пашыняна на парламенцкіх выбарах
«Прэм’ер-міністр Арменіі Нікол Пашынян, мой вялікі сябар і лідар, робіць сваю краіну моцнай, багатай і вельмі бяспечнай», — напісаў ён.
Фота: Alex Brandon-Pool / Getty Images
Дональд Трамп заявіў пра поўную і безумоўную падтрымку прэм’ер-міністра Арменіі Нікола Пашыняна на будучых парламенцкіх выбарах. Пра гэта ён напісаў на сваёй старонцы ў сацсетцы Truth Social.
«Прэм’ер-міністр Арменіі Нікол Пашынян, мой вялікі сябар і лідар, робіць сваю краіну моцнай, багатай і вельмі бяспечнай! Нікол цалкам падзяляе мой погляд на мір і росквіт Арменіі і ўсяго Закаўказзя», — заявіў амерыканскі лідар.
Трамп адзначыў, што напярэдадні дзяржаўны сакратар ЗША Марка Рубіа наведаў Арменію і прасунуў некалькі «важных здзелак для абедзвюх краін».
Ён таксама ўказаў, што неўзабаве ЗША і Арменія пачнуць рух па «маршруце Трампа», які «пераўтворыць рэгіён і дапаможа амерыканскім энергетычным кампаніям атрымаць доступ да рэгіянальных рэсурсаў».
Парламенцкія выбары ў Арменіі пройдуць 7 чэрвеня.