Tramp zajaviŭ ab poŭnaj i biezumoŭnaj padtrymcy Pašyniana na parłamienckich vybarach
«Premjer-ministr Armienii Nikoł Pašynian, moj vialiki siabar i lidar, robić svaju krainu mocnaj, bahataj i vielmi biaśpiečnaj», — napisaŭ jon.
Fota: Alex Brandon-Pool / Getty Images
Donald Tramp zajaviŭ pra poŭnuju i biezumoŭnuju padtrymku premjer-ministra Armienii Nikoła Pašyniana na budučych parłamienckich vybarach. Pra heta jon napisaŭ na svajoj staroncy ŭ sacsietcy Truth Social.
«Premjer-ministr Armienii Nikoł Pašynian, moj vialiki siabar i lidar, robić svaju krainu mocnaj, bahataj i vielmi biaśpiečnaj! Nikoł całkam padzialaje moj pohlad na mir i roskvit Armienii i ŭsiaho Zakaŭkaźzia», — zajaviŭ amierykanski lidar.
Tramp adznačyŭ, što napiaredadni dziaržaŭny sakratar ZŠA Marka Rubia naviedaŭ Armieniju i prasunuŭ niekalki «važnych ździełak dla abiedźviuch krain».
Jon taksama ŭkazaŭ, što nieŭzabavie ZŠA i Armienija pačnuć ruch pa «maršrucie Trampa», jaki «pieraŭtvoryć rehijon i dapamoža amierykanskim enierhietyčnym kampanijam atrymać dostup da rehijanalnych resursaŭ».
Parłamienckija vybary ŭ Armienii projduć 7 červienia.