Пад Докшыцамі навукоўцам наглядна паказалі, як усё было падчас вайны ФОТЫ

У Докшыцкім раёне праводзяць двухдзённую навукова-практычную канферэнцыю пад назвай «Докшыцкі край: гісторыка-культурная спадчына рэгіёна». У самым яе пачатку мясцовыя ўлады каля ваеннага мемарыяла зладзілі для ўдзельнікаў мерапрыемства тэатралізаваную пастаноўку. 

У мясцовым тэлеграм-канале паведамляецца, што ў канферэнцыі бяруць удзел больш за 50 спецыялістаў з розных гарадоў Беларусі. На форум прыехалі прадстаўнікі з Докшыц, Віцебска, Глыбокага, Дзяржынска, Мінска, Наваполацка і Полацка. Сярод іх — гісторыкі, археолагі, антраполагі, мастацтвазнаўцы, мовазнаўцы, літаратуразнаўцы, супрацоўнікі архіваў, музеяў і краязнаўцы. 

Праграма канферэнцыі пачалася з наведвання мемарыяльнага комплексу «Шунеўка» — месца памяці пра жыхароў аднайменнай вёскі, якія загінулі у выніку нацысцкага знішчэння. Удзельнікаў прывезлі да мемарыялу пад назвай «Праклён фашызму», дзе ім наглядна паказалі, як усё тады адбывалася.

Каментары да артыкула