«Сядзела і глядзела на нас».
Жыхары Мінска падчас паездкі на аўтамабілі ўздоўж ляснога масіву заўважылі мядзведзіцу з медзведзянятамі. Відэа з імі з’явілася ў Трэдс, піша Onliner.by.
Некалькі медзведзянят уцяклі ў лес, спалохаўшыся галасоў людзей. Па словах аўтара роліка, да гэтага жывёлы знаходзіліся на дрэвах. Сустрэча адбылася ў раёне мемарыяльнага комплексу «Хатынь».
«Мінчане! Грыбоў няма, чарніц у лясах няма. Сустрэлі мядзведзіцу з медзведзянятамі», — напісала жанчына, якая апублікавала відэа.
Яна прызналася, што адчула моцны прыліў адрэналіну і была рада, што ў момант сустрэчы сям’я знаходзілася ў аўтамабілі. Па яе словах, з чатырох чалавек зняць жывёл на відэа змагла толькі дачка, прычым ужо тады, калі мядзведзі ўцякалі. «Мядзведзіца сядзела і глядзела на нас. Спалохалі сігналам аўто», — дадала жанчына ў каментарах.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары