Зборная Швейцарыі ўпэўнена разабралася з Алжырам і выйшла ў 1/8 фіналу мундыялю

Зборная Швейцарыі ўпэўнена перамагла зборную Алжыра з лікам 2:0 у матчы 1/16 фіналу чэмпіянату свету і выйшла ў наступны раўнд.

Фота: AP Photo/Abbie Parr

Ужо ў пачатку сустрэчы швейцарцы адкрылі лік пасля хуткай атакі: Яан Манзамбі прарваўся па левым флангу і выканаў прострэл, які ў адзін дотык замкнуў Брээль Эмбала.

Алжыр спрабаваў больш валодаць мячом і дзейнічаць актыўна, але сутыкнуўся з арганізаванай абаронай суперніка і амаль не ствараў небяспечных момантаў.

У другім тайме Швейцарыя падвоіла перавагу. Пасля высокага прэсінгу і блытаніны каля штрафной Дан Ндае атрымаў мяч і дакладна прабіў, усталяваўшы лік 2:0.

Пасля гэтага алжырцам прыйшлося адкрывацца, але швейцарская абарона дзейнічала вельмі надзейна і не дазволіла стварыць рэальны шанец на камбэк. Некалькі спробаў дальніх удараў і падач не прынеслі выніку.

Матч мог скончыцца і з больш буйным лікам, але швейцарцы не рэалізавалі яшчэ адзін галявы момант напрыканцы сустрэчы.

У выніку Швейцарыя ўпэўнена выходзіць у 1/8 фіналу ЧС-2026, а Алжыр завяршае ўдзел у турніры. Сапернікам швейцарцаў на наступным этапе стане пераможца пары Калумбія — Гана. Матч гэтых зборных пройдзе раніцай у суботу па беларускім часе на стадыёне ў Канзас-Сіці.

Каментары да артыкула