Партугалія ў драматычным матчы прайшла Харватыю з асабістым няшчасцем харватаў на 15‑й дадатковай хвіліне
У 1/8 фіналу ў панядзелак Партугалія згуляе з Іспаніяй.
Першы тайм быў даволі сумны. Харватыя вытрымала хвілін 15 націску партугальцаў, а потым пайшла роўная гульня.
А з пачатку другога тайма пачалася спёка: Харватыя адразу стала атакаваць, дзве-тры атакі, а ў наступнай 37‑гадовы Іван Перышыч адкрыў лік.
Праз некалькі хвілін Крышціяну Раналду лік зраўняў, але бакавы суддзя махнуў сцяжком — афсайд. Здаецца, КР у афсайдзе не быў (так падалося з паўтору).
А яшчэ праз некалькі хвілін, падчас падачы вуглавога, Улашыч у сваёй штрафной заваліў партугальcкага гульца.
Суддзя пайшоў глядзець VAR — пенальці. Крышціяну Раналду зраўноўвае. Гэта ягоны трэці гол на турніры.
А на 4‑й дадатковай хвіліне Гансалу Рамуш, здавалася, паставіў кропку — 2:1.
Але ў матчы было дададзена 20 хвілін, харваты пасля гола ў свае вароты кінуліся атакаваць, і на 15‑й дададзенай Ёшка Гвардыёл лік зраўняў. Зноў VAR: аказваецца, Матанавіч крануўся рукой, мяч не залічаны. Трагедыя харватаў.
У 1/8 фіналу Партугалія згуляе з Іспаніяй.
Сёння а 6‑й раніцы гульня Швейцарыя — Алжыр, а вечарам а 22‑й — Аўстралія — Егіпет.
Завершацца матчы 1/16 фіналу ноччу і раніцай суботы: Аргенціна — Каба-Вердэ (гадзіна ночы) і Калумбія — Гана (04:30).
А ўжо вечарам у суботу матчам Марока — Канада (пачатак а 20-й) пачнуцца паядынкі 1/8 фіналу.
Іншыя вядомыя пары:
- Францыя — Парагвай (ноч на нядзелю, 00:00)
- Бразілія — Нарвегія (нядзеля, 23:00)
- Мексіка — Англія (панядзелак, 03:00)
- Іспанія — Партугалія (панядзелак, 22:00)
- ЗША — Бельгія (аўторак, 03:00)
Цяпер чытаюць
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры3
Каментары
Пенальці мусіў быць.
Знову вельмі "цікавыя" памылкі ВАР.