Італія высылае за шпіянаж двух расійскіх вайсковых аташэ
Як паведаміў міністр замежных спраў Італіі Антоніа Таяні, расійскія вайсковыя аташэ ў гэтай краіне Іван Гарбачоў і Міхаіл Астахаў павінны пакінуць краіну на працягу трох дзён. Такое рашэнне прынята пасля расследавання, праведзенага пракуратурай Рыма.
Пасольства Расіі ў Італіі. Фота: facebook.com/ambrusitalia
Паводле слоў Антоніа Таяні, Расія працягвае выкарыстоўваць гібрыдныя метады супраць заходніх краін, у тым ліку Італіі, што з'яўляецца сур'ёзным і непрымальным умяшаннем у дзейнасць дзяржаўных інстытутаў і пагрозай нацыянальнай бяспецы.
Рашэнне аб высылцы было прынята пасля таго, як у Рыме затрымалі двух былых супрацоўнікаў італьянскіх спецслужбаў па падазрэнні ў перадачы сакрэтнай інфармацыі чалавеку, якога лічаць агентам расійскай разведкі і які карыстаецца дыпламатычным імунітэтам.