Ціханоўская выступіць на амерыканскім форуме па бяспецы ў Аспене

14—15 ліпеня Святлана Ціханоўская возьме ўдзел у Aspen Security Forum — адным з найбуйнейшых міжнародных форумаў, прысвечаных пытанням бяспекі і знешняй палітыкі, паведаміла прэс-служба палітыка. 

Святлана Ціханоўская. Фота прэс-службы палітыка

Мерапрыемства пройдзе ў горадзе Аспен, што ў штаце Каларада, і збярэ палітыкаў, вайскоўцаў, дыпламатаў, экспертаў і прадстаўнікоў міжнародных арганізацый.

15 ліпеня Ціханоўская выступіць на панэльнай дыскусіі «Еўропа ў перыяд перамен». Разам з ёй удзел у абмеркаванні возьмуць генеральны сакратар Еўрапейскай службы знешніх дзеянняў Белен Марцінэс Карбанэль і міністр абароны і знешняга гандлю Бельгіі Тэа Франкен. Мадэратарам сустрэчы стане аглядальнік выдання The Washington Post Пітэр Шпігель.

У праграме форуму таксама заяўленыя прэзідэнтка Генеральнай Асамблеі ААН Аналена Бербак, былы Вярхоўны галоўнакамандуючы Аб'яднанымі ўзброенымі сіламі НАТА ў Еўропе Крыстафер Каволі, кіраўнік Міжнароднага энергетычнага агенцтва Фаціх Біраль, былы намеснік дзяржаўнага сакратара ЗША Стывен Біган, амерыканскія сенатары, прадстаўнікі Белага дома, НАТА, Еўрапейскага саюза, а таксама міжнародных кампаній і вядучых сродкаў масавай інфармацыі.

Каментары да артыкула