Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю
«Вашы непаразуменні нам незразумелыя», — адрэзаў Яраслаў Чарнагор.
Пасол Украіны па пытаннях Беларусі Яраслаў Чарнагор рэзка адрэагаваў на чарговую сварку беларускай апазіцыі ў фэйсбуку. Актывістка дыяспары Алена Жаркевіч з дапамогай ШІ напісала маніфест, у якім абурылася выказваннямі Франака Вячоркі ў эфіры Белсата. Той адказаў ёй, гэта выклікала абмеркаванне на 250 каментароў.
«Можа, мне стварыць закрыты чат, і вы высветліце паміж сабой стасункі? Бо ваша ўзаемная непрымальнасць адыгрывае вельмі неканструктыўную ролю», — адказаў Чарнагор, тэгнуўшы Алену Жаркевіч, яшчэ двух актывістаў дыяспары, а таксама Франака Вячорку.
«Алена Жаркевіч, для ўкраінцаў вы ўсе — апазіцыя рэжыму Лукашэнкі, таму вашы непаразуменні нам незразумелыя», — паўтарыў ён.
«Калі на міжнародных пляцоўках будуць прадстаўнікі АПК ці іншых арганізацый, я буду камунікаваць з імі ўсімі. Гэтак жа ў Кіеве я буду камунікаваць як з Аленай Жаркевіч, з вамі ці Аляксеем Францкевічам, так і са Святланай Ціханоўскай ці Віктарам Бабарыкам, і з любым беларусам ці беларускай, якія не дэманструюць антыўкраінскую пазіцыю», — запэўніў Чарнагор Таццяну Гацуру-Яворскую.
«Калі ў вас асабіста да Святланы Ціханоўскай і Франака Вячоркі ёсць нейкія пытанні, то гэта не значыць, што такія ж пытанні да іх ёсць з боку Украіны», — падсумаваў ён, адказваючы тролю.
Чытайце таксама. Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»
Цяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»6
Каментары
Не вернулись в страну,не освободили от окупантов и сидя не в Беларуси вечно какие-то склоки