Лукашэнка падпісаў указ аб восеньскім прызыве
Аляксандр Лукашэнка 22 ліпеня падпісаў указ «Аб звальненні ў запас і прызыве на тэрміновую вайсковую службу, службу ў рэзерве».
Здымак ілюстрацыйны. Фота: тэлеграм-канал Унутраных войскаў МУС
Згодна з дакументам, у верасні — лістападзе 2026 года на тэрміновую вайсковую службу і службу ў рэзерве будуць прызваныя грамадзяне Беларусі мужчынскага полу, якім на момант прызыву споўнілася 18 гадоў і якія не маюць права на адтэрміноўку.
Таксама прызыву падлягаюць грамадзяне прызыўнога ўзросту, якія страцілі права на адтэрміноўку ад службы.
Адначасова прадугледжваецца звальненне ў запас вайскоўцаў тэрміновай службы, якія адслужылі ўстаноўленыя заканадаўствам тэрміны.
Указ павінен дазволіць дзяржаўным органам, мясцовым выканаўчым і распарадчым структурам своечасова правесці ўсе неабходныя мерапрыемствы, звязаныя з арганізацыяй прызыву грамадзян на тэрміновую службу і службу ў рэзерве.
Чытайце таксама:
Коля Лукашэнка скончыў універсітэт — ці трапіць ён пад бліжэйшы прызыў у армію ці зможа адкасіць?
Як праходзяць палявыя зборы ў школьнікаў — штурмаваць акопы і разбіраць аўтаматы вучаць і дзяўчат
Ці могуць старшакласнікі адмовіцца ад вучэбна-палявых збораў?