Ціханоўскі з размахам сустрэў дзень народзінаў у Лос-Анджэлесе
Былі торт з «Оскарам» і зоркай з «Алеі славы».
Учора экс-палітвязню, што правёў пяць год у лукашэнкаўскіх засценках, споўнілася 48 гадоў. Прадстаўнікі дыяспары Каліфорніі, дзе зараз жыве грамадскі дзеяч, падарылі яму торт з «Оскарам», кінахлапушкай і зоркай з «Алеі славы».
Фота: інстаграм Lucia_vargus
Сяргей Ціханоўскі выйшаў на волю ў чэрвені 2025 года па памілаванні, нейкі час жыў у Вільні, а потым перабраўся ў ЗША, нейкі час жыў з дзецьмі ў Маямі, а потым пераехаў у Лос-Анджэлес.
«Сёння ў Лос-Анджэлесе я вывучаю англійскую мову, рыхтуюся да паступлення ва ўніверсітэт, пішу кнігу і займаюся творчасцю. Я таксама ўдзячны ўсім, хто падтрымаў мяне пасля вызвалення. Адаптацыя да жыцця на волі — гэта няпростае выпрабаванне. Кожны новы дзень нагадвае мне, наколькі каштоўныя сям'я, свабода і магчымасць гаварыць праўду», — расказваў ён.
У пачатку жніўня ён прэзентаваў уласны ютуб-канал, дзе выкладвае свае вершы і казкі, напісаныя ў зняволенні.
Чытайце таксама:
Сяргей Ціханоўскі запусціў свой ютуб-канал з вершамі і казкамі
Казка ад Сяргея Ціханоўскага з'явілася на ютуб-канале Акадэміі кіравання