Cichanoŭski z razmacham sustreŭ dzień narodzinaŭ u Łos-Andželesie
Byli tort z «Oskaram» i zorkaj z «Alei słavy».
Učora eks-palitviaźniu, što pravioŭ piać hod u łukašenkaŭskich zaścienkach, spoŭniłasia 48 hadoŭ. Pradstaŭniki dyjaspary Kalifornii, dzie zaraz žyvie hramadski dziejač, padaryli jamu tort z «Oskaram», kinachłapuškaj i zorkaj z «Alei słavy».
Fota: instahram Lucia_vargus
Siarhiej Cichanoŭski vyjšaŭ na volu ŭ červieni 2025 hoda pa pamiłavańni, niejki čas žyŭ u Vilni, a potym pierabraŭsia ŭ ZŠA, niejki čas žyŭ ź dziećmi ŭ Majami, a potym pierajechaŭ u Łos-Andželes.
«Siońnia ŭ Łos-Andželesie ja vyvučaju anhlijskuju movu, rychtujusia da pastupleńnia va ŭniviersitet, pišu knihu i zajmajusia tvorčaściu. Ja taksama ŭdziačny ŭsim, chto padtrymaŭ mianie paśla vyzvaleńnia. Adaptacyja da žyćcia na voli — heta niaprostaje vyprabavańnie. Kožny novy dzień nahadvaje mnie, nakolki kaštoŭnyja siamja, svaboda i mahčymaść havaryć praŭdu», — raskazvaŭ jon.
U pačatku žniŭnia jon prezientavaŭ ułasny jutub-kanał, dzie vykładvaje svaje vieršy i kazki, napisanyja ŭ źniavoleńni.
Čytajcie taksama:
Siarhiej Cichanoŭski zapuściŭ svoj jutub-kanał ź vieršami i kazkami
Kazka ad Siarhieja Cichanoŭskaha źjaviłasia na jutub-kanale Akademii kiravańnia