Буданаў анансаваў на найбліжэйшыя дні вялікі абмен ваеннапалоннымі
Кіраўнік Офіса прэзідэнта Украіны Кірыла Буданаў у эфіры тэлемарафону заявіў, што ў найбліжэйшыя дні плануецца яшчэ адзін вялікі абмен ваеннапалоннымі паміж Украінай і Расіяй, піша «Суспільне».
Кірыла Буданаў. Фота: Andrew Kravchenko / Global Images Ukraine via Getty Images
Паводле слоў Буданава, нядаўна ўжо адбыўся абмен, у тым ліку 24 жніўня праз тэрыторыю Беларусі ва Украіну вярнуліся 10 украінскіх вайскоўцаў. Яшчэ 19 жніўня з расійскага палону былі вызваленыя 103 украінскія вайскоўцы.
На пытанне, ці варта чакаць новага абмену менавіта ў найбліжэйшыя дні, Буданаў адказаў станоўча, адзначыўшы, што ён будзе «вялікім».
24 жніўня праз Беларусь ва Украіну вярнуліся 10 вайскоўцаў УСУ і Нацыянальнай гвардыі. Усе яны ваявалі на Данецкім кірунку і раней лічыліся зніклымі без вестак.
Чытайце таксама:
Украіна з 2014 года дала грамадзянства 52 беларускім добраахвотнікам
Украіна вярнула праз Беларусь дзесяць ваеннапалонных
Украінцы, якія ваявалі за Расію і былі ўзятыя ў палон, расказалі, чаму працягваюць яе любіць