Budanaŭ anansavaŭ na najbližejšyja dni vialiki abmien vajennapałonnymi
Kiraŭnik Ofisa prezidenta Ukrainy Kiryła Budanaŭ u efiry telemarafonu zajaviŭ, što ŭ najbližejšyja dni płanujecca jašče adzin vialiki abmien vajennapałonnymi pamiž Ukrainaj i Rasijaj, piša «Suśpilnie».
Kiryła Budanaŭ. Fota: Andrew Kravchenko / Global Images Ukraine via Getty Images
Pavodle słoŭ Budanava, niadaŭna ŭžo adbyŭsia abmien, u tym liku 24 žniŭnia praz terytoryju Biełarusi va Ukrainu viarnulisia 10 ukrainskich vajskoŭcaŭ. Jašče 19 žniŭnia z rasijskaha pałonu byli vyzvalenyja 103 ukrainskija vajskoŭcy.
Na pytańnie, ci varta čakać novaha abmienu mienavita ŭ najbližejšyja dni, Budanaŭ adkazaŭ stanoŭča, adznačyŭšy, što jon budzie «vialikim».
24 žniŭnia praź Biełaruś va Ukrainu viarnulisia 10 vajskoŭcaŭ USU i Nacyjanalnaj hvardyi. Usie jany vajavali na Danieckim kirunku i raniej ličylisia źnikłymi bieź viestak.
Čytajcie taksama:
Ukraina z 2014 hoda dała hramadzianstva 52 biełaruskim dobraachvotnikam
Ukraina viarnuła praź Biełaruś dziesiać vajennapałonnych
Ukraincy, jakija vajavali za Rasiju i byli ŭziatyja ŭ pałon, raskazali, čamu praciahvajuć jaje lubić