На мяжы змяняюцца правілы электроннай чаргі для аўтамабіляў

«Белмытсэрвіс» змяняе правілы рэгістрацыі фізічных асоб у сістэме электроннай чаргі на мяжы. Новыя патрабаванні пачнуць дзейнічаць з 1 кастрычніка.

Здымак ілюстрацыйны

Асноўная змена — месца ў чарзе будзе рэзервавацца толькі на 30 каляндарных дзён з моманту аплаты. За гэты час неабходна даставіць аўтамабіль ці іншы транспарт, пазначаны ў заяўцы, у зону чакання і завяршыць анлайн-рэгістрацыю ў асабістым кабінеце.

Таксама на працягу 30 дзён пасля аплаты можна будзе вярнуць грошы, калі паездка не адбылася.

Пры гэтым сродкі не вернуць, калі:

• скончыўся тэрмін дзеяння дамовы;
• аўтамабіль спазніўся з зоны чакання ў пункт пропуску і рэгістрацыю скасавалі пасля гэтага;
• транспарт ужо зарэгістравалі, але чалавек адмовіўся ад паездкі;
• умовы дамовы не выканалі па віне заказчыка.

Каментары да артыкула