Дзяўчыну не пусцілі ў мінскае метро з сабакам — давялося надзяваць пакет ФОТАФАКТ
Мінчанка расказала ў Threads, што раней з сабакам у метро яе пускалі, калі жывёліна была ў намордніку і на руках, але, паводле яе слоў, «зноў жа, дзе як». Але гэтым разам ад пасажыркі катэгарычна запатрабавалі пераноску.
Фота: threads.com/@whippet_michelle
«Майго сабаку ўкусіла пчала, мы бягом у ветклініку, джала дасталі, укол зрабілі. Нам адну станцыю на метро да дома. Супрацоўнікі патрабуюць пераноску, або… увага! Мяшок!» — расказала дзяўчына.
Паколькі пераноскі ў дзяўчыны не было, ёй давялося надзець на сабаку мяшок. Паводле яе слоў, калі супрацоўнікі метро гэта ўбачылі, яны самі «зарагаталі ўголас».
Фота: threads.com/@whippet_michelle
Дзяўчына папрасіла параіць ёй нармальнае прыстасаванне для перавозкі маленькага сабакі, бо больш перавозіць яго ў мяшку яна не хоча. У каментарыях ёй прапанавалі мноства розных варыянтаў — як практычных, так і жартаўлівых.
Чытайце таксама:
71‑гадовы бягун працягнуў шпіца па зямлі падчас забегу. Да мужчыны прыйшла міліцыя
У Беларусі зацвердзяць спіс парод сабак з асаблівай адказнасцю
Беларуска, уласніца рэстарана ў Батумі, апынулася ў цэнтры скандалу з сабакамі
Стала вядома, колькі жывёл-кампаньёнаў зарэгістравалі беларусы