22 верасня беларусам з пасведчаннямі дазволяць ездзіць грамадскім транспартам у Мінску бясплатна
У Беларусі з 16 па 22 верасня пройдзе Тыдзень мабільнасці, які завершыцца рэспубліканскай акцыяй «Дзень без аўтамабіля», паведаміла прадпрыемства «Сталічны транспарт і сувязь».
Здымак ілюстрацыйны. Фота: Lookby.media
Паводле рашэння Мінгарсавета, 22 верасня «Мінсктранс» і Мінскі метрапалітэн зробяць праезд бясплатным для ўладальнікаў аўтамабіляў.
Каб скарыстацца з гэтай магчымасці, у наземным або падземным транспарце трэба будзе паказаць пасведчанне кіроўцы і пасведчанне аб рэгістрацыі транспартнага сродку.
Бясплатны праезд будзе дзейнічаць толькі 22 верасня.