У Баранавічах раскрылі забойства 27‑гадовай даўніны
У Баранавічах праз 27 гадоў раскрылі забойства 17‑гадовага падлетка, здзейсненае яшчэ ў 1998 годзе. Пра гэта паведаміла прэс-служба Міністэрства ўнутраных спраў.
Скрыншот з відэа
У 1998 годзе на пустцы ў Баранавічах знайшлі цела 17‑гадовага хлопца. На ім былі прыкметы гвалтоўнай смерці. Нягледзячы на праведзеную тады працу, высветліць, хто мог быць датычны да злачынства, не ўдалося.
Цяпер жа падчас сумесных аператыўна-вышуковых мерапрыемстваў супрацоўнікі крымінальнага вышуку Брэсцкай вобласці атрымалі доказы датычнасці да забойства 57‑гадовага жыхара Баранавічаў.
Паводле звестак УУС Брэсцкага аблвыканкама, у дзень трагедыі паміж мужчынам і падлеткам адбыўся канфлікт. Падчас сваркі мужчына задушыў юнака.
Цяпер сілавікі правяраюць, ці мог падазраваны быць датычны да іншых злачынстваў.
Чытайце таксама:
Двух замежнікаў затрымалі за забойства ў Мінску дзесяцігадовай даўніны
У Баранавічах раскрылі забойства 26‑гадовай даўніны. Тады забілі 16‑гадовую дзяўчыну
Двух жыхароў Мазыра асудзілі на 16 гадоў за забойства 22‑гадовай даўніны