U Baranavičach raskryli zabojstva 27‑hadovaj daŭniny
U Baranavičach praz 27 hadoŭ raskryli zabojstva 17‑hadovaha padletka, ździejśnienaje jašče ŭ 1998 hodzie. Pra heta paviedamiła pres-słužba Ministerstva ŭnutranych spraŭ.
Skrynšot ź videa
U 1998 hodzie na pustcy ŭ Baranavičach znajšli cieła 17‑hadovaha chłopca. Na im byli prykmiety hvałtoŭnaj śmierci. Niahledziačy na praviedzienuju tady pracu, vyśvietlić, chto moh być datyčny da złačynstva, nie ŭdałosia.
Ciapier ža padčas sumiesnych apieratyŭna-vyšukovych mierapryjemstvaŭ supracoŭniki kryminalnaha vyšuku Bresckaj vobłaści atrymali dokazy datyčnaści da zabojstva 57‑hadovaha žychara Baranavičaŭ.
Pavodle źviestak UUS Bresckaha abłvykankama, u dzień trahiedyi pamiž mužčynam i padletkam adbyŭsia kanflikt. Padčas svarki mužčyna zadušyŭ junaka.
Ciapier siłaviki praviarajuć, ci moh padazravany być datyčny da inšych złačynstvaŭ.
Čytajcie taksama:
Dvuch zamiežnikaŭ zatrymali za zabojstva ŭ Minsku dziesiacihadovaj daŭniny
U Baranavičach raskryli zabojstva 26‑hadovaj daŭniny. Tady zabili 16‑hadovuju dziaŭčynu
Dvuch žycharoŭ Mazyra asudzili na 16 hadoŭ za zabojstva 22‑hadovaj daŭniny