На выхадных у Беларусь прыйдзе халоднае паветра з Балтыйскага мора
Белгідрамет папярэдзіў пра змену надвор’я ў Беларусі на выхадных 26 і 27 верасня. У пачатку выхадных на краіну паўплываюць няўстойлівая паветраная маса з Балтыйскага мора і атмасферны фронт.
Фота: «Наша Ніва»
У суботу, 26 верасня, будзе воблачна з праясненнямі. Амаль па ўсёй краіне пройдуць дажджы, а ноччу і раніцай у асобных раёнах магчымы туман. Уначы тэмпература складзе ад +6 да +12 градусаў, удзень — пераважна ад +11 да +16. На поўдні і паўднёвым усходзе будзе цяплей — ад +17 да +19 градусаў.
У нядзелю, 27 верасня, з паўночна-ўсходняй часткі Польшчы ў Беларусь перамесціцца малаактыўны атмасферны фронт. Уначы ён прынясе кароткачасовыя дажджы на большай частцы краіны, а ўдзень ападкі застануцца толькі ў асобных раёнах.
Начная тэмпература складзе ад +5 да +11 градусаў. Удзень паветра прагрэецца ад +13 градусаў на паўночным усходзе да +20 на паўднёвым захадзе Беларусі.
Чытайце таксама:
Сіноптыкі расказалі, калі вернецца +21 градус
У Мядзелі ў верасні зацвіла яблыня
Лета канчаткова пакуе валізы. На наступным тыдні ў Беларусь прыйдзе скандынаўская халадэча