Na vychadnych u Biełaruś pryjdzie chałodnaje pavietra z Bałtyjskaha mora

Biełhidramiet papiaredziŭ pra źmienu nadvorja ŭ Biełarusi na vychadnych 26 i 27 vieraśnia. U pačatku vychadnych na krainu paŭpłyvajuć niaŭstojlivaja pavietranaja masa z Bałtyjskaha mora i atmaśfierny front.

Fota: «Naša Niva»

U subotu, 26 vieraśnia, budzie vobłačna z prajaśnieńniami. Amal pa ŭsioj krainie projduć daždžy, a nočču i ranicaj u asobnych rajonach mahčymy tuman. Unačy tempieratura składzie ad +6 da +12 hradusaŭ, udzień — pieravažna ad +11 da +16. Na poŭdni i paŭdniovym uschodzie budzie ciaplej — ad +17 da +19 hradusaŭ.

U niadzielu, 27 vieraśnia, z paŭnočna-ŭschodniaj častki Polščy ŭ Biełaruś pieramieścicca małaaktyŭny atmaśfierny front. Unačy jon pryniasie karotkačasovyja daždžy na bolšaj častcy krainy, a ŭdzień apadki zastanucca tolki ŭ asobnych rajonach.

Načnaja tempieratura składzie ad +5 da +11 hradusaŭ. Udzień pavietra prahrejecca ad +13 hradusaŭ na paŭnočnym uschodzie da +20 na paŭdniovym zachadzie Biełarusi.

Kamientary da artykuła