«Мінсктранс» заклікаў пасажыраў не пакідаць прабітыя талончыкі ў салоне
Як адзначае прадпрыемства «Мінтранс», у выніку такой «дабрачыннасці» з боку пасажыра транспартная арганізацыя недаатрымлівае выручку за перавозку.
Як адзначае «Мінтранс», менавіта за кошт прададзеных квіткоў у тым ліку фінансуюцца рамонт рухомага складу, набыццё новага і больш камфортнага транспарту, а таксама падтрымліваецца праца зручных маршрутаў. Таму бясплатны праезд па пакінутым талоне ў выніку можа адбівацца і на саміх пасажырах: ім даводзіцца даўжэй чакаць транспарту і карыстацца менш камфортнымі ўмовамі.
«Мінсктранс» просіць пасля паездкі забіраць прабітыя талончыкі з сабой і не пакідаць іх на сядзеннях. Прадпрыемства таксама нагадвае, што прабіты талон сапраўдны толькі для адной паездкі і не дае права на бясплатны праезд у наступным рэйсе па тым жа маршруце.
Чытайце таксама:
Мінтранс падлічыў сярэдні кошт паездкі на таксі ў Беларусі