Таксама пасажырскія аўтобусы павінны быць з рамянямі бяспекі.
Пра гэта паведаміў на прэс-канферэнцыі «Аб новых правілах аўтамабільных перавозак пасажыраў» начальнік упраўлення аўтамабільнага і гарадскога пасажырскага транспарту Мінтрансу Андрэй Гладкі, піша БелТА.
«З 1 студзеня 2028 года ўводзіцца норма, што ўсе аўтобусы, якія ўдзельнічаюць у выкананні ўнутрырэспубліканскіх перавозак у рэгулярных злучэннях, павінны быць абсталяваныя сродкамі відэафіксацыі», — расказаў Андрэй Гладкі.
Яшчэ адно патрабаванне — да 1 студзеня 2027 года пасажырскія сядзенні ў аўтобусах (катэгорый М2 і М3, клас III) павінны быць абсталяваныя двух— або трохпунктавымі рамянямі бяспекі.
«Гэта датычыцца тых транспартных сродкаў, дзе не дапускаецца перавозка пасажыраў стоячы. Калі, напрыклад, аўтобус выкарыстоўваецца ў гарадскіх перавозках, дзе пасажыры могуць ехаць як седзячы, так і стоячы, на яго гэтае патрабаванне не распаўсюджваецца», — патлумачыў начальнік упраўлення аўтамабільнага і гарадскога пасажырскага транспарту.
Таксама ўводзіцца патрабаванне да 1 студзеня 2030 года абсталяваць аўтобусы на міжгародніх маршрутах трохпунктавымі рамянямі бяспекі.
Таксама ў правілы аўтамабільных перавозак пасажыраў уключаны нормы, якія прадугледжваюць скарачэнне стажу працы кіроўцаў школьных аўтобусаў з трох да аднаго года. Яшчэ адна новаўвядзенне — у аўтамабільнага перавозчыка адказныя за бяспеку выканання перавозак павінны раз на пяць гадоў праходзіць павышэнне кваліфікацыі з выдачай адпаведнага дакумента.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары
а в пустых автобусах в искусственной очереди на погранпереходе Брест_ Тересполь не поставят. И как они заполняются перед шлагбаумом за 50 евро.