У Беларусі зафіксавана значнае павелічэнне колькасці афіцыйна зарэгістраваных аўтамабіляў і кіроўцаў таксі за першую палову лета. Таксама ў Міністэрстве транспарту і камунікацый назвалі памер сярэдняга чэка за паездку ў краіне.
Паводле звестак Мінтранса, сярэдні чэк адной паездкі на таксі ў цэлым па Беларусі цяпер складае каля 12 рублёў.
Па стане на 18 ліпеня ў рэестры лічацца 37 290 кіроўцаў таксі. За паўтара месяца іх колькасць вырасла на 344 чалавекі (прыкладна на 1%).
Зараз афіцыйна зарэгістравана 27 720 машын таксі. Гэта на 713 адзінак (або на 2,6%) больш, чым было ў пачатку чэрвеня.
З пачатку 2026 года колькасць машын таксі на беларускіх дарогах павялічылася амаль на 6%.
Кожнае сёмае таксі — электракар.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары